Os Bonos Talento Empresa destínanse á realización de proxectos formativos de curta duración que teñen como obxectivo mellorar as capacidades das empresas e contribuir ao desenvolvemento profissional dos seus cadros de persoal.

A quen se destinan?

Microempresas e pequenas empresas, así como entidades do terceiro sector da acción social, e personas traballadoras autónomas que teñan contratadas a seu cargo a persoas traballadoras por conta allea.

Que gastos son subvencionables?

Todos aqueles derivados das accións formativas de carácter non formal de curta duración, destinadas a contribuir ao desenvolvemento profesional das persoas traballadoras ocupadas por conta allea do plantel. Os ámbitos formativos inclúen:

• Competencias dixitais, dende a dixitalización básica ata a adquisición de competencias e coñecementos técnicos avanzados
• Competencias vinculadas á xestión empresarial, incluíndo competencias de xestión de persoal e equipos, xestión eficiente dos recursos, a toma de decisións e a planificación estratéxica
• Procesos industriais, incluíndo a manipulación de maquinaria especializada, coñecementos e técnicas do ámbito da construcción, técnicas de soldadura,…
• Competencias de prestación de servizos a clientes, tanto vinculadas a promocionar, vender e comprar produtos ou servizos.
• Competencias do ámbito asistencial, incluíndo a prestación de cuidados, técnicas e coñecementos sanitarios, de diagnóstico ou de medicina preventiva.